Qazaqstandağy alğaşqy äleumettık obligasialar KASE -de ornalastyryldy

«Damu» käsıpkerlıktı damytu qory» AQ Qazaqstan üşın pilottyq qarjy qūraly - äleumettık obligasialardy ornalastyrdy. Ornalastyrylğan boryştyq bağaly qağazdardyñ jalpy somasy 1 mlrd teñgenı qūrady, öteu merzımı - 5 jyl, kırıstılık - 11,9%, kupondy töleu kezeñı - jylyna ekı ret.

Tūraqty damu prinsipterıne bağyttalğan äleumettık obligasialardyñ debüttık şyğarylymy «Qazaqstan qor birjasy» AQ (KASE) saitynda jürgızıldı jäne ony jergılıktı institusionaldy investorlar satyp aldy. Halyk Finance mämılenıñ brokerı men anderraiterı boldy.

Äleumettık obligasialardyñ qarajatyn COVID-19 pandemiasy kezınde ekınşı deñgeilı bankter, mikroqarjylyq ūiymdar nemese liziñtık kompanialar arqyly ekonomikanyñ eñ köp zardap şekken sektorlarynan şağyn jäne orta biznestı qarjylandyruğa jūmsau josparlanuda.

«Damu» AQ men KASE mälımdemelerıne säikes, būl şyğarylym Kapital naryğynyñ halyqaralyq qauymdastyğynyñ (ICMA) äleumettık obligasialarynyñ prinsipterıne tolyq säikes keledı, būl «Ekspert RA Reitiñ Agenttıgı» AQ täuelsız qorytyndysymen rastalady.